In de Oostfreeske Landskupp bün ik siet 1999 as Landskuppsraad een van acht Leden in dat Kollegium. Daar bün ik för de Deiten un dat Fördern van Plattdüütsk tostännig. Uns Plattdüütskbüro brengt u. a. Platt in Kinnergaarns un Scholen vöran. Bekannt is ok de Plattdüütskmaant mit en Bült Veranstaltens, de to dat Erhollen van uns plattdüütske Spraak bidragen.
Dit Wark maakt mi (meesttieds) vööl Freid, umdat all Leden hör „Parteibook“ vergeten.
(Wegen disse Arbeid bün ik ok Lidd in de Upsichtsraad van de Oostfreeske Landskuppelke Brandkass, de mit een Halv de Oostfreeske Landskupp höört.)